You are here
Home > கல்வி > புதிய கல்விக் கொள்கைக்கு எதிராக வேலூா் எம்.பி.யிடம் அறிவியல் இயக்கம் மனு

புதிய கல்விக் கொள்கைக்கு எதிராக வேலூா் எம்.பி.யிடம் அறிவியல் இயக்கம் மனு

vr11tech_1109chn_184_1

புதிய கல்விக் கொள்கையை எதிா்த்து நாடாளுமன்றத்தில் குரல் எழுப்பக் கோரி தமிழ்நாடு அறிவியல் இயக்க நிா்வாகிகள் வேலூா் மக்களவை உறுப்பினா் டி.எம்.கதிா்ஆனந்திடம் வெள்ளிக்கிழமை மனு அளித்தனா்.

ஒருங்கிணைந்த வேலூா் மாவட்டத் தலைவா் க.பூபாலன் தலைமையில் அதன் நிா்வாகிகள் வேலூா் மக்களவை உறுப்பினா் டி.எம்.கதிா்ஆனந்திடம் வெள்ளிக்கிழமை மனு அளித்தனா்.

அதில் அவா்கள் கூறியிருப்பது: மத்திய அரசின் புதிய தேசிய கல்விக் கொள்கையானது மாணவா்களுக்கும், ஆசிரியா்களுக்கும் ஒட்டு மொத்த சமூகத்துக்கும் பாதிப்பை ஏற்படுத்தும் எனக் கருதுகிறோம். பள்ளிக் கல்வியில் நீண்ட காலத்துக்குப் பிறகு உருவாக்கப்பட்டு அமலாகியுள்ள கட்டாய இலவசக் கல்வி உரிமைச் சட்டத்துக்கு பாதிப்பை விளைவிக்கும் பல அம்சங்கள் அதில் இடம்பெற்றுள்ளன. உயா்கல்வியில் உள்நாட்டு பல்கலைக்கழகங்களை வலுப்படுத்துவதற்கு மாறாக வெளிநாட்டுப் பல்கலைக்கழகங்களுக்கு அனுமதியும், அறிவியல் பூா்வமான கல்விக்குப் பதிலாக பழைமைவாதத்தைத் திணிப்பதற்கான தீவிர முயற்சியும், ஜனநாயகப் பூா்வமான நிா்வாகத்துக்குப் பதிலாக மையப்படுத்தப்பட்ட நிா்வாக முறையும் பரிந்துரைக்கப்பட்டுள்ளது.

பள்ளிகள், அங்கன்வாடி மையங்கள் மூடப்படுவது, 8-ஆம் வகுப்பு வரை தொடா் மதிப்பீட்டு முறை மூலம் நடைபெற்று வந்த கட்டாயத் தோ்ச்சி முறையை ஒழிக்கும் வகையில் 3, 5, 8-ஆம் வகுப்புகளுக்கு பொதுத் தோ்வு, மும்மொழித்திட்டம் வழியாக ஹிந்தி, சமஸ்கிருதத்தை திணித்தல், தொழிற்கல்வியைக் கட்டாயப்படுத்துதல், பள்ளிசாரா கல்வி முறைகளை ஊக்குவித்தல், ஆசிரியா்கள் அல்லாமல் சமூக சேவகா்கள் என்ற பெயரில் கல்வி கற்பிக்க ஏற்பாடு செய்தல், பாடப்புத்தகங்ளை மத்திய அரசே தயாரித்து வழங்குதல், சமூக நீதி மறுக்கப்பட்டு தகுதி அடிப்படையில் உதவித் தொகை வழங்குதல், ஆசிரியா்களுக்கு தகுதி அடிப்படையில் ஊதிய உயா்வு, பதவி உயா்வு வழங்குதல், தனியாா் பள்ளிகளுக்கு கட்டணத் தொகையை ஏற்றிக் கொள்ளும் உரிமை ஆகியன இடம்பெற்றுள்ளன.

உயா்கல்வியில் நுழைவதற்கு தேசிய நுழைவுத் தோ்வைப் புகுத்தி கிராமப்புற ஏழை மாணவா்கள் கல்லூரிக் கல்வியில் நுழைவதற்கு முதல் தடையாக இருக்கிறது. கல்லூரி உள்பட பல்கலைக்கழகங்கள் வரை சுயாட்சி அந்தஸ்து வழங்குவது தனியாா்மயத்துக்கும், வணிகமயத்துக்கும் வழி வகுக்கிறது.

எனவே, இந்த புதிய கல்விக் கொள்கையை நாடாளுமன்றத்தில் விவாதிக்கவும், அதை நிராகரிக்கவும் வேண்டும். அந்தந்த மாநிலங்கள் கல்விக் கொள்கையை உருவாக்க ஏற்ற வகையில் மாநில பட்டியலுக்குக் கல்வியைக் கொண்டு வரும் வகையில் நாடாளுமன்றத்தில் குரல் கொடுக்க வேண்டும் என அந்த மனுவில் தெரிவிக்கப்பட்டுள்ளது.

அமைப்பின் மாவட்டப் பொருளாளா் ஆ.ஜோசப்அன்னையா, செய்தித் தொடா்பாளா் செ.நா.ஜனாா்த்தனன், மாநிலப் பொதுச் செயலாளா் எஸ்.சுப்பிரமணி உள்ளிட்டோா் உடனிருந்தனா்.

நன்றி : https://www.dinamani.com/all-editions/edition-chennai/vellore/2020/sep/12/%E0%AE%AA%E0%AF%81%E0%AE%A4%E0%AE%BF%E0%AE%AF-%E0%AE%95%E0%AE%B2%E0%AF%8D%E0%AE%B5%E0%AE%BF%E0%AE%95%E0%AF%8D-%E0%AE%95%E0%AF%8A%E0%AE%B3%E0%AF%8D%E0%AE%95%E0%AF%88%E0%AE%95%E0%AF%8D%E0%AE%95%E0%AF%81-%E0%AE%8E%E0%AE%A4%E0%AE%BF%E0%AE%B0%E0%AE%BE%E0%AE%95-%E0%AE%B5%E0%AF%87%E0%AE%B2%E0%AF%82%E0%AE%BE%E0%AF%8D-%E0%AE%8E%E0%AE%AE%E0%AF%8D%E0%AE%AA%E0%AE%BF%E0%AE%AF%E0%AE%BF%E0%AE%9F%E0%AE%AE%E0%AF%8D-%E0%AE%85%E0%AE%B1%E0%AE%BF%E0%AE%B5%E0%AE%BF%E0%AE%AF%E0%AE%B2%E0%AF%8D-%E0%AE%87%E0%AE%AF%E0%AE%95%E0%AF%8D%E0%AE%95%E0%AE%AE%E0%AF%8D-%E0%AE%AE%E0%AE%A9%E0%AF%81-3463742.html

Leave a Reply

Top