You are here
Home > அறிவிப்புகள் > ஆகஸ்ட் 20: தேசிய அறிவியல் மனப்பான்மை தினம் பிரசார இயக்கம்..

ஆகஸ்ட் 20: தேசிய அறிவியல் மனப்பான்மை தினம் பிரசார இயக்கம்..

மூடநம்பிக்கை எதிர்ப்பு பிரச்சார அமைப்பை உருவாக்கி  மூடநம்பிக்கைகளினால் ஏற்படும் உயிரிழப்பு , பொருள் இழப்பு குறித்து 40 வருட காலத்திற்கும் மேலாக பிரச்சாரம் செய்து மூடநம்பிக்கை ஒழிப்புச் சட்டத்தை உருவாக்க வேண்டுமென தொடர் இயக்கங்கள் நடத்தி வந்த மஹாராஷ்டிரா மாநில  அறிவியல் செயல்பாட்டாளர்  டாக்டர் நரேந்திர தபோல்கர்  2013 ஆக.20 அன்று  இந்து மத அடிப்படைவாதிகளால் காலை நடைப்பயிற்சியின் போது சுட்டுக் கொல்லப்பட்டார். இத்தினத்தை தேசிய அறிவியல் மனப்பான்மை தினமாக அனுசரிக்க அகில இந்திய மக்கள்  அறிவியல் இயக்கங்கள் அறைகூவல் விட்டுள்ளன…
அதனை முன்னிட்டு தமிழ்நாடு அறிவியல் இயக்கம் சார்பில் மாநிலம் முழுவதும் ஆக.31 வரையிலும் கருத்தரங்குகள், கையெழுத்து இயக்கங்கள் திட்டமிடப்பட்டுள்ளன. மேலும் இந்நாளையொட்டி இந்திய அரசியலமைப்புச் சட்டத்தின் அடிப்படை கடமைகளில் ஒன்றான (51(A)H விதியின்படி அறிவியல் மனோதிடம் கொண்டு, மனித நேயம் வளர்த்து, எதையும் விசாரித்தரிந்து, மாற்றங்களுக்கான உணர்வுகளை உருவாக்கி, அவற்றை மேம்படுத்துவது என்ற இலக்கினை  நாம் அனைவரும் கைக்கொள்ளஇப்பிரச்சாரம் நடத்தப்படுகிறது.
தபோல்கருக்குப் பின்னர் கோவிந்த் பன்சாரே, டாக்டர் கல்புர்கி, பத்திரிக்கையாளர் கௌரி லங்கேஷ் ஆகியோரும் கொலைசெய்யப்பட்டதால்  இப்பிரச்சாரத்தில் அறிவியல் அறிஞர்களைப்  பாதுகாத்திடவும் மதச்சார்பின்மையையும்  கருத்துரிமையையும்  பாதுகாக்கவும் நமது நாட்டின் உண்மையான அறிவியலை மக்களிடம்  பரப்பி  போலி அறிவியலை முறியடிக்கவும் உண்மையான அறிவியலுக்கும் தொழில்நுட்ப வளர்ச்சிக்கும் நிதி ஒதுக்கீடு கோரியும் நாட்டில் மேற்கொள்ளப்படும் வளர்ச்சித் திட்டங்கள் அறிவியல் ரீதீயாக திட்டமிடப்பட்டு பெரும்பான்மை மக்களுக்குப் பயன் தரும் திட்டங்களை உருவாக்க வேண்டுமென்றும் மேலும் தமிழ்நாட்டிலும் மகாராஷ்ட்ரா கர்நாடகா போன்று மூடநம்பிக்கை ஒழிப்புச் சட்டம் இயற்ற வேண்டுமென்றும் வலியுறுத்தி கையெழுத்து இயக்கம், கருத்தரங்குகள் தமிழ்நாடு அறிவியல் இயக்கம் சார்பில்  நடத்தப்படுதிறது…
பின்வரும் இணைப்பில் சென்று இணையப் படிவத்தில் கையொப்பமிட அன்புடன் அழைக்கிறோம்..  https://aipsn.in/signature-campaign-form

Leave a Reply

Top